lunedì 25 novembre 2013

Vivamus, mea Lesbia, atque amemus

Catullo carme V
Vivamus, mea Lesbia, atque amemus 
Rumoresque senum severiorum 
Omnes unius aestememus assis. 
Soles occidere et redire possunt: 
Nobis cum semel occidit brevis lux, 
Nox est perpetua una dormienda. 
Da mi basìa mille, deinde centum, 
Dein mille altera, dein secunda centum 
Deinde usque altera mille, deinde centum. 
Dein, cum milia multa fecerimus, 
conturbabimus illa, ne sciamus, 
aut ne quis malus invidere possit, 
cum tantum sciat esse basiorum.