Augurios a chent’annos coro meu

Augurios a chent’annos coro meu
Son settantasette ziros de chelu 
Chi in ocros nde tenes su colore
Augurios, metas annos chin amore

Su tempus bolat, gai est decisu
Niunu tenet potere 'e lu firmare 
Mantene in coro gosu e sorrisu
Impare andamus a imbezzare

Non tenimus ateru pensamentu
Solu de sichire a nos istimare 
Finzas chi bat luche, onzi momentu
Senza timore de su chi potet capitare

Finzas chi b'est amore e passione
chi nos cherimus che sa prima die
Consolu mannu tue a mie e jeo a tie
Nos damus in donzi situassione 

Augurios a chentannos coro meu
Mantene su surrisu, senza anneu
Regosizamus su tempus impare
Augurios a chent’annos a campare