Ite ispantu ses, bella Rachele!
Tue e sa cara sorrichedda,
Ses de mama e babbu mannosia,
e de jajos, istimata pizzinnedda!
Vantu mannu vinzas de sa tzia
chi dai coro ti iscriet in poesia
e ti augurat in vita ogni bene.
Ses istrina chi Deus non ha datu
durchore e cunfortu a su coro
preziosu isteddu, frore delicatu
musica armoniosa, prenda ‘e oro.
In su longu camminu benefatatu
sa Fortuna ti accumpanzet fidele
bona vita ditzosa, bella Rachele!
