mercoledì 1 gennaio 2020

S'annu nou. Il Nuovo Anno

S’annu etzu finamenta ch’est andatu
trazandesi a palas tristura e male
chin su entu ‘e tramontana zelatu
appachiande sas undas de su mare
S’annu nou galanu, bene invelatu
benzat pro tottus, minores e mannos
annu benitore, de istrinas garrigatu
de gosos e grasias, chenza ingannos
siet tempus de fortuna, de riscatu
un annu grabosu chin craras dies
de pache e amore i sos fochiles
de nottes tranquillas ammantatu
augurios a tottus, vicinos e lontanos
a sa fizza in viazzu in locos anzenos
a sos amicos, parentes e affines
bonos printzipios e menzus fines



(nella foto Sonetto 116, la barca di Lorenzo Palermo)