Annu nou 2024

Intrat s’annu nou a passu lezzeru
e bisos e disizos piccan bolu
e sos pensamentos e s’isperu
ziran chin su tempus curridolu

Atera pazina, ateru fozu biancu
de iscriere in su libru de sa vita,
sien bonas novas, assumancu,
pinturas galanas chin s’iscritta

Chi s’annu nou accattet sa via
frorizzata de gosos e durcore,
onzi die de salute e losania,
onzi passu de pache e amore

Benennitu anno nou luchente,
tesse in oro sas tramas de sas dies!
Su tempus siet amicu, bona zente,
bono prinzipios e menzus fines

 

Bonos printzipios e menzus fines - Buon Anno 2021

S’annu etzu finamenta ch’est andatu
ana accabbare malauras e traschias
finin sas oras de s’annu bisestratu
picchet s’annu benitore bonas vias

S’annu novu enzat bene assortatu
siet pro tottus, minores e mannos,
annu ditzosu, de istrinas garrigatu
de gosu e galanias, chenza dannos
 
siet tempus de fortuna, de riscatu
un annu grabosu chin craras dies
de pache e armonia in sos fochiles
de nottes tranquillas ammantatu
 
auguriu a tottus, vicinos e lontanos
ateros metas annos a nos vides
semper cuntentos e tottus sanos
bonos printzipios e menzus fines

S'annu nou. Il Nuovo Anno

S’annu etzu finamenta ch’est andatu
trazandesi a palas tristura e male
chin su entu ‘e tramontana zelatu
appachiande sas undas de su mare

S’annu nou galanu, bene invelatu
benzat pro tottus, minores e mannos
annu benitore, de istrinas garrigatu
de gosos e grasias, chenza ingannos

siet tempus de fortuna, de riscatu
un annu grabosu chin craras dies
de pache e amore i sos fochiles
de nottes tranquillas ammantatu

augurios a tottus, vicinos e lontanos

a sa fizza in viazzu in locos anzenos

a sos amicos, parentes e affines

bonos printzipios e menzus fines

(nella foto Sonetto 116, la barca di Lorenzo Palermo)

Un'ottava per il nuovo anno 2018

Bonos Prinzipios e menzus fines

Intret s'annu nou a passu 'e ballu
chi siat pro totus garrigu 'e fortuna
donzi ziru in chelu de sole e de luna
e ponzant rimediu a ogni irballu
In su duamizzadecheotto ogni die
siat de galanias, poesias e armonia
Istrina de amore, pache e allegria
diet a sos caros tuos e vinzas a tie.

Buon Anno 2017 - Bonos Prinzipios e Menus Fines

Bonos printzipios e menzus fines
S'annu nou juacat a tottus cantos
Menzus tempus de pache e amores
E onzi cuntentesa a mannos e minores
Realizzedas su chi tenites in pensamentu
S'avveren sas isperas a una a una
Non manchet sa salute e sa fortuna
In qust'annu nou e in ateros chentu