A Ludovica

Cando naschit una nova criatura

a su mundu intreu iuchet allegria

est in festa manna sa Natura

Chelu e Terra sunu in armonia

« Floricheddu » bellu e delicatu

est naschitu su primu de natale

Ludovica a numene l’ant datu

de s’Amore de Deus est sinnale

Benennita sies, pizzinnedda!

pro tene, dedde’, custas rimas

pro tene, da tzia tua, sas moinas

fizza de nepote, pronepotedda!

De creschere sana, bella e forte

ti auguro, comente cheres tue,

vita dizosa e de bona sorte

istimata dai tottus in tottue.

Zustu vantu de mama e babbu

tenzas amore, onore e virtute

galania, bonu coro, bellu grabu

gosu mannu, ricchesa e salute

chin custos versos, prenda ‘e oro,

ti canto una canzonedda amica

e ti auguro onzi bene, de coro,

in sa vita benennita Ludovica!


Traduzione:
quando nasce una nuova creatura
al mondo intero porta allegria
è in gran festa la Natura
Cielo e Terra sono in armonia

« Florellino » bello e delicato
è nato il primo di dicembre
Ludovica di  nome le hanno dato
dell'Amore di Dio è un segno

Benvenuta sii, bambina!
per te, piccoli', queste rime
per te, da tua zia, le carezze
figlia di nipote, pro-nipotina

Di crescere sana, bella e forte
ti auguro, come vuoi tu
vita beata e di buona sorte
amata da tutti dappertutto

giusto vanto di mamma e babbo
che tu abbia amore, onore e virtù
bellezza, buon cuore, bei modi
gioia grande, ricchezze e salute

con questi versi, tesoro,
ti canto una canzonetta amica
e ti auguro ogni bene, di cuore,
nella vita benvenuta Ludovica!