Benennita Giuliana! Benvenuta Giuliana!

Ite bella notissia oje amus tentu
Unu frore delicatu, rosa galana
Pro su coro durcore e cuntentu
Est naschita, si narat Giuliana 

Non b’at in vita prus bella cosa
De una creatura chi enit a su mundu
Non b’at atera prenda prus preziosa
de un’isteddu, gososu e iocundu 

Sinnale de sa grazia ‘e su Signore
Carignu dai Susu a sa mama dizosa
Ca in coro connoschet sa Creazione
Nd'at tentu in su sinu loa armoniosa 

Augurios a sa mama premurosa
Augurios a su babbu ninnatore
A la idere manna e istimata isposa
E bennere a bonu ogni passione 

Augurios a tie, netichedda cara,
de crescere sana in bellesa e amore
cuntenta e sicura, chenza timore
benennita sies tue, bella Giuliana! 

Traduzione:
Che bella notizia oggi abbiamo ricevuto 
Un fiore delicato, una rosa graziosa 
Per il cuore dolcezza e gioia
È nata, si chiama Giuliana 

Non esiste nella vita più bella cosa
Di una nuova creatura che viene al mondo 
Non esiste gioiello più prezioso 
Di una stella gaudiosa e giocosa 

Segno della grazia del Signore
Carezza dall'Alto per la mamma beata
Perché conosce la Creazione 
Ne ha avuto in seno una prova armoniosa 

Auguri alla mamma premurosa 
Auguri al babbo che le fa la ninna
Di vederla grande e amata sposa
E realizzare bene ogni passione 

Auguri a te, nipotina cara
Di crescere sana in bellezza e amore
Contenta e sicura, senza timore
Benvenuta sii tu, bella Giuliana!