Bona Pasca Manna - Buona Pasqua

 

Bona Pasca ‘e Aprile a tottus

Pasca Manna senza processione

Ma in su coro de ogni pessone

Siet de veru gosu s’Incontru 

Pasca manna de resuressione

Diet a nois e a su mundu intreu

Misericordia, pache e recreu 

e sa disizata liberazione 

Bona Pasca a ogni cristianu

Pasca siet de pache e armonia 

A su credente e a su profanu

A tottu sa Terra e a ogni zenia

 

Bonos printzipios e menzus fines - Buon Anno 2021

S’annu etzu finamenta ch’est andatu
ana accabbare malauras e traschias
finin sas oras de s’annu bisestratu
picchet s’annu benitore bonas vias

S’annu novu enzat bene assortatu
siet pro tottus, minores e mannos,
annu ditzosu, de istrinas garrigatu
de gosu e galanias, chenza dannos
 
siet tempus de fortuna, de riscatu
un annu grabosu chin craras dies
de pache e armonia in sos fochiles
de nottes tranquillas ammantatu
 
auguriu a tottus, vicinos e lontanos
ateros metas annos a nos vides
semper cuntentos e tottus sanos
bonos printzipios e menzus fines

Pasca de Natale 2020

In sa notte manna ‘e Natale
In chelu luchet unu isteddu
a sanare tristura e ogni male
naschind’est su Pitzinneddu

a Tie chircamus, fizzu ‘e Deu!
ascurta custa precatoria,
non nos lasses galu in anneu
iuche a su mundu s’armonia

iuche a sa mente chiara luche
in coro non bi siet che durcore
dona pache, isperanza e salute
e galanias, Santu Redentore!

In sa notte prus manna s’isteddu
de s’amore ‘e Deus est sinnale
aperimus su coro a su Ninnieddu
a tottus bonas Pascas ‘e Natale!

Augurios Ugo e a chent'annos

Augurjos Ugo e a chent’annos

tene corpu sanu e mente lestra

a sichire su viazzu senza dannos

pedes, ancas e inucros addestra 

de su tempus cura sos malannos

vinzas senza andare in palestra

bastat andare a passos mannos

impare, tue a manca, jeo a destra 

abellu, senza presse, in su sicuru

andamus nois cuntentos e sanos

in armonia contamos sos eranos

unu de s’ateru, chentu jeo e tue puru 

non manchet corazzu e energia

virtute, sereniate e bonu umore

gosu e galania a illichidire sa via

augurios a chent’annos chin amore

Anzelu de sa Luche - Angelo della Luce

 

Che anzelu in Chelu ch’est olata

senza connoschere prantu o risu

innossente, bella e immacolata

derettu est andata in Paradisu

 

a donare un’ateru isteddu luchente

a dare nova luche a su firmamentu

la cheriat su Deus Onnipotente,

sa prima dominica de s’Avventu

 

« non prangas mama addolorata!»

narat dai Susu, dae s’Artu Rennu

« non prangas babbu! che su Nennu

da anzelos luchentes so inghiriata»

Agenda 2021

Anche quest’anno propongo la mia agenda interculturale e interreligiosa con le feste e le commemorazioni delle principali religioni dei popoli del mondo.

Come sempre tra le pagine troverete delle brevi citazioni di poeti e pensatori, frammenti di amore e di sapienza (agape e sophia) vissuti come intima esperienza antropologica al di là del semplice orizzonte religioso-confessionale.

Si tratta di brevi momenti di meditazione che, senza rinunciare alle importanti e numerose cose da fare (agenda in latino), possano offrire un gradito conforto per lo spirito e un lieve sussulto per la coscienza.

Questa agenda è pensata come dono di buon augurio per un anno migliore, come “strenna”, nel senso etimologico del termine, strenuus, valoroso, quindi un invito al coraggio e all’impegno ardito nella lotta quotidiana contro la superficialità e l’ignoranza. 

https://ilmiolibro.kataweb.it/libro/poesia/570993/agenda-2021-3/ 

Augurios a chent'annos a Roberta

Sa vita est che barca in mes’e mare

artziat sa vela e zirat su timone

abellu iniziat sa navigassione

chin unu bonu isteddu pro andare

chin chie cheres pro t’accumpanzare

ti auguramus de sichire su viazzu

de affrontare su tempus chin corazzu

e onzi traschia e unda mala iscansare

sicura, zira timone chin espertesa

non timmas de picare in artu mare

nudda e nessunu ti potat facher male

potas accatare sa durche meta attesa

chi tenzas amore, ricchesa, fortuna

su viazzu siet semper senza affannos

t’assistat in su mare bona luna

augurios Roberta a chent’annos!

A ludovica pro su battijare

 

Augurios, dedè, pro su battijare!

S’Ozu Santu chin s’Abba beneita

t’aperit sa janna a nova vita

a s’ istrada lucorosa pro andare.

Vai fidutzosa, bene accumpanzata

in s’istrada de Grasia luchizata

in sa vita de istrinas arricchita

Vai chin Deus, che cristiana, Ludovica!

 

Pasca Manna 2020

Bona Pasca Manna, amicos caros
tenimos passientzia ca de sicuru
ata a iscrarire su chelu iscuru
e nos amos a bidere tottus sanos

De sa pretziosa Santa Ruche
Arvore d'eterna Vita vera
juchimos animosos un'ispera
chi torret dai Susu sa Luche

Arvore 'e pache celestiale
fruttu de sa Divina Passione
chi Gesu, su Redentore
ponzat rimediu a ogni male

Arvore de Sole luchente
sinnale de s'Onnipotente
consolazione a su credente
recattu pro ogni mortale

A sos caros nostros istimatos
andat ogni bonu pensamentu
Bona Pasca, custa de ocannu,
menzus de custa, ateras chentu
(Caterina Ortu)

Augurios a Rosaria

Ballande issiat su sole in cussa die

chinchinnandesi ca cussu mese
juchet eranu e nos hat datu a tie
de martzu, su noe, naschita sese

Istat pacu s'iverru fochilarzu,
enit a indurcare su chelu s'aria
dopo s'istranu mese de frearzu
Augurios a chent'annos Rosaria

Ti auguro pro custu compreannu
de sichire chin virtute senza neu
sa vita dizosa e in grazias de Deu
godinde da sos caros donu mannu

Mamma e mannedda cuntenta
Muzzere abbizzosa e istimata
beneita da sa Madonna santa
Ti auguro de annos ateros sessanta

S'annu nou. Il Nuovo Anno

S’annu etzu finamenta ch’est andatu
trazandesi a palas tristura e male
chin su entu ‘e tramontana zelatu
appachiande sas undas de su mare

S’annu nou galanu, bene invelatu
benzat pro tottus, minores e mannos
annu benitore, de istrinas garrigatu
de gosos e grasias, chenza ingannos

siet tempus de fortuna, de riscatu
un annu grabosu chin craras dies
de pache e amore i sos fochiles
de nottes tranquillas ammantatu

augurios a tottus, vicinos e lontanos

a sa fizza in viazzu in locos anzenos

a sos amicos, parentes e affines

bonos printzipios e menzus fines

(nella foto Sonetto 116, la barca di Lorenzo Palermo)

Est Pasca de Natale. È Natale.

Naschind’est in sa notte prus manna

Su fizzu de Deus, su Pizzinneddu
che unu poveru, in d'una capanna
umile, chenza difesa, minoreddu

"Gloria" cantan sos anzelos in Chelu
pache in Terra a omines ‘e bonu zelu

sos isteddos luchen in su mantu
naschind’est su nostru Redentore
A s'affrizitu consolat su prantu
donat isperanza, pache e Amore

Sos anzelos cantan sa melodia
s’Isteddu luchente iscrarit sa via

naschind’est pro nois su Messia
a iuchere perdonu a su mortale
a che torrare a sos frates s'armonia
a che occare s'odiu e ogni male

Augurios a tottus, est Pasca de Natale

A Ludovica

Cando naschit una nova criatura

a su mundu intreu iuchet allegria

est in festa manna sa Natura

Chelu e Terra sunu in armonia

« Floricheddu » bellu e delicatu

est naschitu su primu de natale

Ludovica a numene l’ant datu

de s’Amore de Deus est sinnale

Benennita sies, pizzinnedda!

pro tene, dedde’, custas rimas

pro tene, da tzia tua, sas moinas

fizza de nepote, pronepotedda!

De creschere sana, bella e forte

ti auguro, comente cheres tue,

vita dizosa e de bona sorte

istimata dai tottus in tottue.

Zustu vantu de mama e babbu

tenzas amore, onore e virtute

galania, bonu coro, bellu grabu

gosu mannu, ricchesa e salute

chin custos versos, prenda ‘e oro,

ti canto una canzonedda amica

e ti auguro onzi bene, de coro,

in sa vita benennita Ludovica!

Agenda 2020

Agenda interculturale e inter-religiosa con le ricorrenze e le feste dei popoli del mondo Realtà aumentata con QR code degli eventi

https://ilmiolibro.kataweb.it/libro/saggistica/513763/agenda-2020-2/ 

Pasca 'e Aprile 2019

Bona Pasca Manna a tottu cantos

Sonat a toccu 'e festa sa campana
In cantos de gloria e innos santos
Pache a sa zente vicina e lontana

Pache e armonia in tottu sa Terra
Torret sa Luche in su chelu beranile
Tzelen lampos e tronos de sa gherra
Pache vera in custa Pasca 'e aprile

Pro sa Sua dolorosa passione
Tenzat pietate de su mundu intreu
Confortu diet a affrizitos e recreu
Recattu a poveros d'ogni nazione

Lassamos sa tristura amicos caros
Aperimos a s'Amore sa janna
A nos bidere metas annos sanos
Augurjos e Bona Pasca Manna

Bonos printzipios e menzus fines - Buon Anno 2019

Bonos printzipios e menzus fines 
S'annu etzu, tristu, chest'est andatu 
abellu abellu ispinghende sas dies 
istracu e da su pesus incurvatu 

S'annu novu, gososu, brinchettande 
de su duamizza dechennoe sa janna 
aperit leitanu, ridende e garrigande 
bonas novas e cuntentesa manna  

Benennitu nos siat su novu annu  
fortuna nos diat e durches oras 
Istorias cumpritas e gosu mannu 
pache e armonia in intro e in foras  

Augurios a tottus, mannos e minores 
su tempus benitore siat grabosu 
perenne eranu de amore e frores 
de istrinas galanas e grasias donosu 

Bona Pasca de Natale - ninna nanna di Natale

Anninnia anninnia prenda 'e oro

Drommi e non timmas, anninnia

su sonnu malu non ti tenzat ischitu

ca a juchere sa pache in ogni coro
su Pizzinneddu stanotte est naschitu

Su Pizzinneddu santu est naschitu

in sos urtimos poveros d'onzi zenia

In barcones pertos in mare vrittu

In sas biddas in gherra o carestia

Dormi vida 'e coro, riposa e anninnia

S'est fattu minore Deus immortale

In d'onzi pizzinnu de su mundu

chi juacat pache a ogni mortale

ca semus tottus fruttos d'unu 'undu

Custu s'auguriu pro Pasca 'e Natale

Chi tottus sos pizzinnos de sa Terra

d'onzi colore, d'onzi nazione o etnia

vivan in unu mundu senza gherra

jochen senza affannu o timoria

Dormi vida 'e coro, riposa e anninnia

Augurios Ugo a chent'annos

Augurios Ugo a chent'annos
chin salute, pache e allegria
a los contare impare sos annos
semper unitos in Amore e armonia

Su battoro de natale intre die
su mille e noichentos barantasese 

naschitu ses in Montevecchio, inie,
urtimu de sos fizzos, su 'e trese

In cussa die de 'esta no ischias
chi teniamos impare unu destinu
de nos accattare in su camminu
pro parare impare sas traschias

traschias de passione, senza dannu
de bentos e undas durches de gosos
in sas vias de s'Amore e coro mannu 

Contandelos impare a chent'annos

Agenda 2019

A guardare sempre dalla stessa parte il collo s’irrigidisce

(proverbio africano)

Perché il nostro collo non finisca mai per irrigidirsi propongo un’agenda interculturale e interreligiosa con le feste e le ricorrenze delle principali religioni dei popoli del mondo. La conoscenza delle feste “altre” è un primo passo verso il dialogo interculturale, l’unica risposta sensata ai fondamentalismi, alle intolleranze e a qualsiasi forma di scontro di civiltà.

Nel desiderio di costruire la pace e nel tentativo contrastare la frenesia del quotidiano suggerisco settimanalmente una pausa di meditazione e riflessione ripensando alle parole dette e scritte da grandi uomini e donne che hanno ricoperto il campo più ampio di tutte le fedi, anche di tutte le negazioni di fede, di tutte le civiltà e di tutte le scelte personali, ma capaci di provocare un tremito dello spirito, un sussulto della coscienza, rompendo o almeno increspando la calma piatta dei luoghi comuni e della banalità.

Suggerisco questa agenda come dono di buon augurio per il nuovo anno, una “strenna” nel senso etimologico del termine: dal latino strenuus, coraggioso, cioè un invito all'impegno audace di lotta quotidiana contro la superficialità e l’ignoranza.

Agenda 2019

Mesaustu

Augurjos a tottus de Mesaustu
bos mando chin affettu dae mare
su tempus non est cussu zustu
e su sole no nos cheret caentare 

Sas nues nieddas lu tenen accuatu
pro no iscrarire in custa die 'e tristura
su malefattu de s'omine distrattu
chenza rispettu de sa vita e sa natura

 
Su chelu ghettat abba e bat traschia
lampos e tronos fachen assustu
nos diet sarvamentu s'Assunta Maria
chent'annos menzus e bonu Mesaustu