Settantanoe cordas de vita e amore - Settantanove corde di vita e amore

Oje, coro meu,
in cuncordu, un atteru annu  
contamus, senza anneu
e su tempus, mastru mannu, 
risitu, iscurtat chin recreu,
ca onzi nota tua
tenet sonu durche e craru;

in manos tuas 
sa chitarra est invitu 
a frorire galu
a tesser melodia
pro su tempus benitore 
chentza presse, 
chentza timoria;

onzi corda tintinnande
narat de su corazzu
cantat de s’amore
de sa galania 
de sos passos impare
de cussos benitores
prus lizzeros andande.

A chent’annos, prenda ‘e oro,
cumpanzu de viazzu,
ti jucat sa melodia
inumbe narat su coro
e onzi nota nova 
siat auguriu de alligria

Pasca Manna

Bona Pasca Manna de aprile
Pasca Mazore de resurressione

Luche chi arziat da sas pentumas
Vaedat chin sa limba de sos astros
Semene chi sperrat sos crastos
E torrat a frorire in su laore

Pache e amore sun portzeddos
de rosa chi naschin in su sinu
S’arvore de sa vita chin Passione 
Donat a sos bios alimentu divinu

S’Ovu, lacheddu de su mundu
Est ispantu mannu, est istrina 
Su pane pintatu est imboniatu
Chin s'armoniosa e sacra arina 

"Amore" est su numene de su frore
Chi inghet sa morte e onzi male
Pache su caminu de su riu ischitu
Chi non timet a intrare in su mare

Sa Fenitze essit radiosa dae sa chisina
Onzi ferta est surcu pro su tricu 
Ghettatu in sa terra saliosa 
Su ilu chi cusit manzanu e sero
Est tessitu da una manu gloriosa

Bona Pasca Manna de Resurressione

Annu Nou - Capodanno 2025

 

Intrat s’annu nou a passu lezzeru
e bisos e disizos piccan bolu
e sos pensamentos e s’isperu
ziran chin su tempus curridolu

Atera pazina, ateru fozu biancu
de iscriere in su libru de sa vita,
sien bonas novas, assumancu,
pinturas galanas chin s’iscritta

Chi s’annu nou accattet sa via
frorizzata de gosos e durcore,
onzi die de salute e losania,
onzi passu de pache e amore

Benennitu anno nou luchente,
tesse in oro sas tramas de sas dies!
Su tempus siet amicu, bona zente,
bono prinzipios e menzus fines

(Caterina Ortu) 

Pasca de Natale

A tottus bona pasca de Natale
Pache a su populu de su mundu
Isperanza nova pro ogni mortale
Bisu chi ballat a ballu tundu

A chie su bisu l'at pertu in s'anneu
onzi lacrima ruat in terra saliosa
Nde nascan frores galanos de recreu
e nova vita appachiata e armoniosa

Bonas Pascas a chie non b'est prusu
Ma mai mancat intro de su coro
"Bonas pascas" da su chelu de susu
Est nande chi sos isteddos de oro

Est Pasca de Natale, istrina dorata
A chie isperat e sichit chin corazzu
Pasca de Natale luchet de unu razzu
Chi caentat e cussolat s'anima isporata

Est naschitu pro sa passione
Su Pizzinneddu santu celestiale
Chi iucat a tottus pache e amore
A tottus bona Pasca de Natale 

Traduzione:
A tutti buon Natale
Pace al popolo del mondo
Speranza nuova per ogni mortale
Sogno che danza il "ballo tondo"

A chi il sogno l'ha perso nella tristezza
Ogni lacrima cada in terra fertile
Ne nascano fiori belli di allegrezza
E nuova vita rasserenata e armoniosa

Buone Feste a chi non c'è più
Ma non manca mai nel cuore
"Buone Feste" dal Cielo lassù
Sta dicendo attraverso stelle d'oro

È Natale, dono dorato
A chi spera e va avanti con coraggio
Natale brilla di un raggio
Che riscalda e conforta l'animo affranto

È nato per la Passione
Il Bambinello santo celestiale
Che porti a tutti pace e amore
A tutti buon Natale

Benennita Carla

Non b’at in vita prus bella cosa
De una creatura chi enit a su mundu
Non b’at atera prenda prus preziosa
De un’isteddu, gososu e iocundu

Froricheddu bellu e delicatu
est naschitu su mese de Natale
Carla a numene l’ant datu
de s’Amore de Deus est sinnale

De creschere sana, bella e forte
ti auguro, comente cheres tue,
vita dizosa e de bona sorte
istimata dai tottus in tottue.

Zustu vantu de mama e babbu
tenzas amore, onore e virtute
galania, bonu coro, bellu grabu
gosu mannu, ricchesa e salute

Augurios a sa mama premurosa
Augurios a su babbu ninnatore
A la idere manna e istimata isposa
E bennere a bonu ogni passione

Augurios vinzas a su fraticheddu
A crescher chin sa sorre in armonia 
Nicolò, galanu e durche coricheddu,
Frate ditzosu chin amore e allegria.

chin pacos versos, prenda ‘e oro,
Ti canto custa canzonedda 
e ti auguro onzi bene de coro,
in sa vita benennita, netichedda!

Augurios a chent’annos coro meu

Augurios a chent’annos coro meu
Son settantotto ziros de chelu 
Chi in ocros nde tenes su colore
Augurios, metas annos chin amore

Su tempus bolat, gai est decisu
Niunu tenet potere 'e lu firmare 
Mantene in coro gosu e sorrisu
Impare andamus a imbezzare

Non tenimus ateru pensamentu
Solu de sichire a nos istimare 
Finzas chi bat luche, ogni momentu
Senza timore de su chi potet capitare

Finzas chi b'est amore e passione
chi nos cherimus che sa prima die
Consolu mannu tue a mie e jeo a tie
Nos damus in donzi situassione 

Augurios a chentannos coro meu
Mantene su surrisu, senza anneu
Regosizamus su tempus impare
Augurios a chent’annos a campare 

Traduzione:
Auguri, a cent'anni cuore mio
Sono settantotto giri del cielo
Che ne hai preso negli occhi il colore
Auguri, tanti anni con amore

Il tempo vola, così è deciso 
Nessuno lo può fermare 
Tieni nel cuore gioia e sorriso
Andiamo insieme ad invecchiare

 
Non abbiamo altro da pensare
Se non di continuare ad amarci
Finché c'è luce, ogni momento
Senza paura di ciò che possa capitare

 
Fino a quando c'è amore e passione 
Che ci desideriamo come il primo giorno 
Consolazione grande, tu a me ed io a te,
Ci diamo in ogni situazione 

Auguri a cent'anni, cuore mio
Mantieni il sorriso senza noia
Godiamoci il tempo insieme 
Auguri a cent'anni a campare.

A chent’annos Roberta

Unu ziru 'e chelu est cumpritu
Un ateru sichit iffattu oracantora
Onzi annu est unu libru iscrittu 
Sien pazinas de oro, norabona!

Pazinas de virtute e sabidorìa 
Rigas de isteddos e lucura
Istrinas de dies de ditzosìa
De amore, salute e bonaura.

A chent’annos in allegria 
Gosande sos carignos de sa vita
Sichinde a piaghere s'iscritta
A largos annos in armonia. 

Adiosu Zoseppe

L'as fatta bella s'isfilata

Ma troppu curza in custu mundu 

Nd'asa a fachere metas de prusu

In cuss'ateru mundu de Susu

Sonande tintinnos tzelestiales 

Brincande chind'una garrica dorata

Lepia, chenza impitzos mortales

Chin sos anzelos a ballu tundu

Onzi tantu dai un'ocrata a sos caros!

A sos fizzos e a s'isposa istimata 

Preca a Maria chi lis diet su corazzu!

Pro sichire custu viazzu terrenu

Chin armonia, senz'ateru affannu

In grassias, sutta su Chelu serenu

Sa Pensione

 ‘enta est s’ora de ti zibbilare

est tempus de su reposu
e de nova vita pro gosare
chin s’istimatu isposu

cumpanza de traballu fidata
imparonzu pretziosu che oro
metas annos ti ses apppentata
ti torramus gratzias de coro

amica cara, sa ‘esta est pro tene
chin affettu sinzeru e istima
ti auguramus ogni bene
e ti donamus custa istrina

Goditi sa vita in allegria
Libera da onzi premura
Chin serenitate e armonia
A manu tenta chin sa Fortuna

Nuntzias de prata

Che arberos chi creschen impare
Chin raicrinas fortes in fundu
Pro resistere a sas traschias de sa vita
Gai semus nois in custu mundu

Arradicatos paris in s’amore 
e da sos ramos de sos bisos nostros 
ocrin  fozas novas a onzi istajone

Vintichimbe ziros de chelu
son colatos da cando, isposos,
amus fattu promissa  in s’altare
ma eternale durat s’amore veru.

Onorobbonas, coro meu pretziosu,
A metas annos chi allegria e gosu

Anzelos in Chelu

Una oche de dolore s'est pesata,

non b'at nudda chi potat  cussolare

su prantu de sa mama disisperata

e su babbu non potet atzettare 

su dolu mannu de su izzu istimatu,

chi appossiande in su frore de sos annos,

in sa Luche de su Chelu ch’est ‘olatu.

Maria chi cumprendet sos affannos

dai Susu bos diet cuffortu e azutu

e forza e corazu in custa die 'e luttu.

Da s'ispada chi su coro bos at fertu 

Nde accat ocrire un ateru frore apertu

Custu modu solu tenzo de ispriccare

pacas rimas ebbia, a bos abbratzare

Pasca Manna pro sa Pache

Tòrranos sa Pasca, Sennore!

Dàinos sa Pache in sa Terra!
Tzelen sos lampos de sa gherra
Tzelen odiu, velenos e rancore

Pro sa Sua dolorosa Passione
Tene pietate de su mundu intreu!
Pro sa Ruche Sacra dai recreu
E sa Pasca de Resuressione!

De sa pretziosa sacra Ruche
Arbore d'eterna vita vera
Juchimos animosos un'ispera
chi torret dai Susu sa Luche

Arbore de Sole luchente
Sinnale de s'Onnipotente
Consolazione a su credente
Recattu pro onzi mortale

Arbore eterna, celestiale
Nos diet pache e amore
chi Zesusu Redentore,
ponzat remediu a ogni male

Arbore ‘e Ruche de sarvamentu 
Ascurta in Terra ogni lamentu!
Arbore istimata, beneita pianta,
dàinos a tottus sa Pasca Santa!

Su Battijare de Rachele

In custa die luchente de beranu
carignu a su coro, durche mele
ses tue, froricheddu galanu,
prenda pretziosa, bella Rachele!             
 
chin s’istireddu de su battijare
pares isposa de bellesa rara
a retzire in supra s’altare
su Sacramentu de cristiana
 
onorabbonas, netichedda cara!
chi s’Ozu Santu e s’Abba Beneita
ti dien fortuna, salute, longa vita
bonu coro e mente crara
 
luchizata de grassias siet sa via
allicchidita de pache e amore
frorizzata de gosos e allegria
e bonistrinas dae su Sennore.

Annu nou 2024

Intrat s’annu nou a passu lezzeru
e bisos e disizos piccan bolu
e sos pensamentos e s’isperu
ziran chin su tempus curridolu

Atera pazina, ateru fozu biancu
de iscriere in su libru de sa vita,
sien bonas novas, assumancu,
pinturas galanas chin s’iscritta

Chi s’annu nou accattet sa via
frorizzata de gosos e durcore,
onzi die de salute e losania,
onzi passu de pache e amore

Benennitu anno nou luchente,
tesse in oro sas tramas de sas dies!
Su tempus siet amicu, bona zente,
bono prinzipios e menzus fines

 

Augurios a chent’annos coro meu

Augurios a chent’annos coro meu
Son settantasette ziros de chelu 
Chi in ocros nde tenes su colore
Augurios, metas annos chin amore

Su tempus bolat, gai est decisu
Niunu tenet potere 'e lu firmare 
Mantene in coro gosu e sorrisu
Impare andamus a imbezzare

Non tenimus ateru pensamentu
Solu de sichire a nos istimare 
Finzas chi bat luche, onzi momentu
Senza timore de su chi potet capitare

Finzas chi b'est amore e passione
chi nos cherimus che sa prima die
Consolu mannu tue a mie e jeo a tie
Nos damus in donzi situassione 

Augurios a chentannos coro meu
Mantene su surrisu, senza anneu
Regosizamus su tempus impare
Augurios a chent’annos a campare

Agenda 2024

 

https://ilmiolibro.kataweb.it/libro/poesia/667037/agenda-2024/ 

Anche quest'anno è disponibile l'agenda della pace

Agenda multietnica, interculturale con le feste e le riccorrenze di tutti i popoli del mondo. Aforismi e citazioni di profeti, poeti e filosofi.

Pasca Manna 2023

Pasca manna de Resuressione
Bona Pasca a su mundu intreu
Misericordia, pache e ricreu
in su coro de ogni pessone

Pasca Manna siet de allegria
ca comente nos an contatu,
Gesù Cristu, fizzu de Maria,
pro nois est ressussitatu

Pasca Manna de liberazione
Sa morte in gloria at mutatu
A tre dies da sa crutzifissione
supra su male at trionfatu

An bistu aperta sa losa
anzelos chin beste luchente
Bona Pasca armoniosa
Augurios a tottu sa zente

Pasca manna de su Redentore
fortzeri riccu de ogni vertute
Pasca manna de eternu Amore
dona nos grassias e salute

Pasca Manna beranile
Siet de gosu in tottu sa Terra
Su toccu de su campanile
Che ochet onzi sonu de gherra

Pasca Manna siet aberu
de pache, amore e ditzosia
A tottus un auguriu sinzeru
Bona Pasca in cumpanzia

Traduzione:
Pasqua di Resurrezione
Buona Pasqua al mondo intero
Misericordia, pace e gioia
nel cuore di ogni persona

Pasqua sia di allegria
Perché come ci han raccontato
Gesù, figlio di Maria
per noi è risuscitato

Pasqua di Liberazione
La morte in gloria ha trasformato
Al terzo giorno dalla crocifissione
sul male ha trionfato

Hanno visto aperta la tomba
e angeli in vesti lucenti
Buona Pasqua armoniosa
Auguri a tutte le genti

Pasqua del Redentore
Forziere ricco di ogni virtù
Pasqua di eterno Amore
donaci grazia e salute

Pasqua primaverile
sia di piacere a tutta la Terra
Il tocco nel campanile
mandi via ogni suono di guerra

Pasqua sia davvero
di pace, amore e allegria
A tutti un augurio sincero
Buona Pasqua in compagnia 

A Rachele

Ite ispantu ses, bella Rachele!

Tue e sa cara sorrichedda, 

Ses de mama e babbu mannosia,

e de jajos, istimata pizzinnedda!

Vantu mannu vinzas de sa tzia

chi dai coro ti iscriet in poesia

e ti augurat in vita ogni bene.

Ses istrina chi Deus non ha datu

durchore e cunfortu a su coro

preziosu isteddu, frore delicatu

musica armoniosa, prenda ‘e oro.

In su longu camminu benefatatu

sa Fortuna ti accumpanzet fidele

bona vita ditzosa, bella Rachele!

Filastrocca di Capodanno

Jannarju a s’annu nou aperit sa Janna
Juchet Frearju allegria manna
Martzu macchillottu e ioculanu
Aprile onzi malaidu torret sanu
Maju dat corazzu a s’amoratore
Lampatas grassias de su Sennore
Triulas diet a tottus bonu fruttu
Austu siet de gosu su sole alluttu
Capitanni torrat in s’aghera sa friscura
Santu Gaine jucat solu bonaura
Sant’Andria inu bonu in sa cupa
Natale augurios a tottu sa truppa
Sien de pache e amore sas dies
Bonos printzipios e menzus fines 

Bona Pasca ' Natale

In sa notte manna ‘e Natale

In chelu luchet unu isteddu

a sanare tristura e ogni male

naschind’est su Pitzinneddu

 

a Tie chircamus, fizzu ‘e Deu!

ascurta custa precatoria,

non nos lasses galu in anneu

iuche a su mundu s’armonia

 

iuche a sa mente crara luche

in coro non bi siet che durcore

dona pache, isperanza e salute

e galanias, Santu Redentore!

 

In sa notte prus manna s’isteddu

de s’amore ‘e Deus est sinnale

aperimus su coro a su Ninnieddu

a tottus bonas Pascas ‘e Natale!